ვლადიმერ ტყეშელაშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სარკინიგზო მშენებლობისა და საგზაო მეურნეობის ფაკულტეტი 1941 წელს; დაამთავრა თელავის საზენიტო-საარტილერიო სასწავლებელი 1942 წელს.

მონაწილეობდა II მსოფლიო ომში; იყო N413 საარტილერიო-სატყვიამფრქვევო ათასეულის ბატარეის მეთაურის მოადგილე; 1948-1951წწ. მუშაობდა თბილისის ლოკომოტივების შემკეთებელ ქარხანაში უფროს ინჟინრად, საამქროს უფროსად, საბინაო-კომუნალური განყოფილების უფროსად, დირექტორის მოადგილედ მშენებლობის დარგში; 1951-1957წწ. თბილისის საქალაქო საბჭოს აღმასკომის კაპშეკეთების სამმართველოს (შემდგომში, სარემონტო-სამშენებლო ტრესტი) მთავარი ინჟინერი, უფროსი; მონაწილეობდა ძველი თბილისის აღდგენა-რეკონსტრუქციაში; მთაწმინდის პლანეტარიუმისა და საცურაო აუზის (სანაპიროზე) მშენებლობაში; იყო თბილისის მშრომელთა დეპუტატების საქალაქო და რაიონული საბჭოების რამდენიმე მოწვევის დეპუტატი; დაჯილდოებული იყო საბრძოლო და სამოქალაქო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.533

• საქართველოს დამსახურებული ინჟინერი