მარინა ივანიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1976 წელს.

1976-1977წწ. იყო მცხეთის არქეოლოგიური ექსპედიციის მხატვარი; 1987-1988წწ. საქართველოს მხატვართა კავშირის ქანდაკების სექციის მდივანი; 1986-1989წწ. მხატვრის სახლთან არსებული ქანდაკების ბავშვთა ექსპედიციის სტუდიის ხელმძღვანელი. 2001 წლიდან "On-line სტუდიო"-ს ელექტრონულ კატალოგის "Art.ge" კონსულტანტი ხელოვნების დარგში; მონაწილეობდა საქართველოსა და საზღვარგარეთ გამართულ 150-მდე გამოფენაში; დიდგორის მემორიალის კონკურსში (1985); გამართული აქვს პერსონალური გამოფენები: ქალთა კულტურის ცენტრი (ჰამბურგი, 1991); ეროვნული საჯარო ბიბლიოთეკა (თბილისი, 1997). მრავალი სტატიისა და რომანების: "ქილერის რვეული" (1998) და "თეთრი სივრცე" (2000) ავტორი. თანამშრომლობდა ჟურნალთან "ომეგა". მისი სცენარის მიხედვით გადაღებულია ფილმი "მოლოდინი" (1985). მისი ნამუშევრები დაცულია საქართველოსა და სსრკ კულტურის ფონდებში; კერძო კოლექციებში. 

 წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.219; facebook.com;  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 214-215; Gallery Art Corner Tsinamdzgvrishvili • გალერეა არტ ქორნერ წინამძღვრიშვილი: facebook.com

• საქართველოს მხატვართა კავშირი, წევრი (1981-)

• 1983 - საქართველოს სახელმწიფო პრემია