არჩილ ფანცულაია

დაბადების ადგილი: ქ. ჭიათურა.

დაამთავრა ქ. თბილისის პოლიტექნიკური ინსტიტუტის სამშენებლო ფაკულტეტი 1963 წელს.

მუშაობა დაიწყო საპროექტო ინსტიტუტ "საქგიპროშახტში" კონსტრუქტორად; 1964 წელს სამუშაოდ გადავიდა თბილისის ზონალურ სამეცნიერო-კვლევით, ტიპური და ექსპერიმენტული და პროექტირების ინსტიტუტში ("თბილზნიიეპი") კონსტრუქტორად; 1987 წლიდან მუშაობას განაგრძობს ს/ს "გორგასალში" სახელოსნოს ხელმძღვანელის თანამდებობაზე; მისი მონაწილეობით დაგეგმარდა და ექსპლუატაციაში შევიდა არაერთი სამშენებლო ინდუსტრიის, კულტურის, სამრეწველო და სამოქალაქო დანიშნულების ობიექტი საქართველოში, აზერბაიჯანში, სომხეთში, სტავროპოლის მხარეში, ჩრდ. ოსეთში, ყაბარდო-ბალყარეთში, მოლდავეთსა და არაბთა გაერთიანებულ საემიროებში; ასევე აღსანიშნავია, 18-სართულიანი ტურისტული სასტუმროს და სავაჭრო ცენტრის ადმინისტრაციული შენობა ნალჩიკში; ვაჭრობის სამინისტროს საინჟინრო კორპუსი ქ. მახაჩკალაში; სასტუმრო 170 ადგილზე და რესტორანი "ქალაქური" ქ. ჭიათურაში; "ხიდმშენის" საინჟინრო კორპუსი და საკოლმეურნეო ბაზარი ქ. თბილისში; სასტუმრო "ვარაზი" ქ. თბილისში (მ. კოსტავას ქუჩაზე); საცხოვრებელი სახლების კომპლექსები ჭავჭავაძის პროსპექტზე და სპორტის სასახლის მიმდებარე ტერიტორიაზე; მიწისძვრისგან დაზიანებული სახლების აღდგენა სომხეთში და დასავლეთ საქართველოს რეგიონებში; "საქსოფლტექნიკის" და საკონსერვო მრეწველობის ობიექტების რეკონსტრუქცია მაიაკოვსკში, გუდაუთაში, ხონში, ბორჯომში და სხვა; არაერთგზის იყო დაჯილდოებული საქართველოს, დაღესტნის, მოლდოვეთის რესპუბლიკების მედლებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.541-542