იამზე ფანცხავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამრეწვლო და სამოქალაქო მშენებლობის სპეციალობით 1950 წელს.

მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტში, თბილისის ზონალურ ს/კ ტიპური და ექსპერიმენტული პროექტირების ინსტიტუტში ("თბილზნიიეპი"); 1970 წლიდან საქართველოს ენერგეტიკისა და ჰიდროტექნიკურ ნაგებობათა ა/კ ინსტიტუტის ბეტონების კვლევის განყოფილების უფროსი მეცნიერ-თანამშრომელი; მისი სამეცნიერო მუშაობის ძირითადი მიმართულებაა ნაგებობათა სეისმომედეგობის გაზრდის მიზნით სპეციალური ბეტონების შედგენილობის შერჩევა, საქართველოს სხვადასხვა კლიმატური გარემოსა და კონსტრუქციების საექსპლუატაციო პირობების მიხედვით; მონაწილეობდა სამშენებლო ნორმების - "ჰიდროტექნიკური ნაგებობების ბეტონისა და რკინაბეტონის კონსტრუქციები" დამუშავებაში; გამოქვეყნებული აქვს 30-ზე მეტი სამეცნიერო ნაშრომი, მათ შორის 3 მეთოდური მითითება მშენებლებისათვის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.543