შოთა ფაღავა

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი ჰიდროტექნიკოსის კვალიფიკაციით 1951 წელს; ლენინგრადის საზღვაო საინჟინრო ინსტიტუტი ინჟინერ-ჰიდროტექნიკოსის კვალიფიკაციით 1959 წელს.

1959-1960წწ. მუშაობდა ბათუმის საზღვაო ნავსადგურში უფროს ინჟინრად; 1961-1974წწ. სამშენებლო-სამონტაჟო ტრესტ "ნოვოროსიისკმორსტროის" მცურავ სამშენებლო რაზმში - სამუშათა მწარმოებლად, შემდეგ მთავარ ინჟინრად; 1973-1974წწ. მივლინებით მუშაობდა საბჭოთა სპეციალისტების ჯგუფის ხელმძღვანელად, ვიეტნამის დემოკრატიულ რესპუბლიკაში, ომით დანგრეული ნავსადგურების აღდგენაზე; 1974-1975წწ. მუშაობდა საქართველოს სანაოსნოში, ნავსადგურების სამსახურების განყოფილების უფროსის თანამდებობაზე; 1975-1981წწ. გადაყვანილ იქნა ბათუმის სახლმშენებელი კომბინატის მთავარ ინჟინრად, 1980-1981წწ. მივლინებით მუშაობდა ქ. მოსკოვში საქართველოდან მივლინებული სპეციალისტების ხელმძღვანელად ოლიმპიური ობიექტების მშენებლობაზე; 1981-1990წწ. მუშაობდა საქართველოს სამეცნიერო-საწარმოო გაერთიანება "საქნაპირდაცვაში" მცურავი რაზმის ხელმძღვანელად. არის სსრკ სახალხო მეურნეობის მიღწევათა გამოფენის (ВДНХ) ვრცხლის მედლის მფლობელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.546

• ღირსების ორდენი
• საქართველოს დამსახურებული მშენებელი