ირაიდა ფაცია

დაბადების ადგილი: სოფელი ხორგა, ხობის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი, საავტომობილო გზების მშენებლობის სპეციალობით 1975 წელს.

1975 წელს დაიწყო შრომითი საქმიანობა საქართველოს საავტომობილო გზების სამინისტროს N13 საგზაო-საექსპლუატაციო უბნის მშენებელ ინჟინრად, შემდგომ საგზაო სამშენებლო სამმართველოს უფროს სამუშაოთა მწარმოებლად; 1989 წელს დაინიშნა იმავე სამმართველოს მთავარ ინჟინრად; 1999 წლიდან არის შპს "გზამშენებელი-13"-ის დამფუძნებელი და ინჟინერი; მისი ხელმძღვანელობით შესრულებულია საერთაშორისო და შიდასახელმწიფოებრივი მნიშვნელობის ავტომაგისტრალების მშენებლობები, მათ შორის: "სენაკი-ფოთი-სარფის", "სამტრედია-ლანჩხუთი-გრიგოლეთის", "ჭალადიდი-ხორგა-ხობის", "შუა ხორგა-ყულევის"; ასევე , სახიდე გადასასვლელები, ნაპირსამაგრი ნაგებობები შავი ზღვის სანაპიროზე და სხვადასხვა ადმინისტრაციული სამეურნეო ობიექტები; მიღებული აქვს საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.546-547; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.253

• საქართველოს მეგზევეთა საზოგადოება, წევრი
• ფაზისის მეცნიერებათა აკადემია, ნამდვილი წევრი (2008-)

• 2012 - ღირსების ორდენი
• 2009 - ფოთის საპატიო მოქალაქე
• 2001 - ღირსების მედალი