თეიმურაზ ფაცურია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1963-1969წწ. მუშაობდა საქართველოს მშენებლობის სამინისტროს სამშენებლო გაერთიანება "თბილქალაქმშენის" რკინაბეტონის ნაკეთობათა კომბინატში ინჟინრად; ამავე სამინისტროს N1 სამშენებლო ტრესტ  "ამიერკავკასმეტალურგმშენის" N1 და N5 სამშენებლო სამმართველოებში - სამუშაოთა მწარმოებლად; 1969-1971წწ. მივლინებული იყო ირანში, ისპაჰანის მეტალურგიული ქარხნის მშენებლობაზე; 1972-1978წწ. მუშაობდა საქართველოს საშენ მასალათა მრეწველობის სამინისტროს ტრესტ "საქმარმარილოს" კაპიტალური მშენებლობის განყოფილების გამგედ; 1978-1991წწ. თბილისის საქალაქო და რესპუბლიკის სახალხო კონტროლის კომიტეტებში, მშენებლობისა და მშენინდუსტრიის განყოფილებაში ინსპექტორად, განყოფილების გამგის მოადგილედ, განყოფილების გამგედ; 1992-1993წწ. იყო საქართველოს საგარეო-ეკონომიკურ ურთიერთობათა კომიტეტის, საზღვარგარეთული ინვესტიციებისა და კრედიტების სამმართველოს უფროსის მოადგილე; 1993-1999წწ. მივლინებული იყო ირანის ისლამურ რესპუბლიკაში საქართველოს სავაჭრო-ეკონომიკურ წარმომადგენლად და საქართველოს საელჩოს დესპანად; მისი მონაწილეობით აგებულ-რეკონსტრუირებულ ობიექტებს შორისაა: თბილისის მართვისა და გამოთვლითი მანქანებისა და რუსთავის მეტალურგიული ქარხნები, აგლომერატის შიხტების შემრევი ფაბრიკა ირანში, თელავის ფიქალ-მარმარილოს კომბინატი, ქუთაისისა და ეკლარის ქვის დამამუშავებელი ქარხნები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.547