ოთარ ფილიპია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლობის სპეციალობით 1958 წელს.

მუშაობა დაიწყო საქართველოს მინისტრთა საბჭოსთან არსებული გზატკეცილების მთავარ სამმართველოში საპროექტო-სახარჯთაღრიცხვო ჯგუფის ტექნიკოსად, ინჟინრად; 1963 წელს უფროს ინჟინრად; 1965 წელს გადაყვანილ იქნა ქ. ცხინვალში, N13 საგზაო-სამშენებლო და სარემონტო სამმართველოს სამუშაოთა მწარმოებლად; 1966 წელს საქართველოს საავტომობილო გზების სამინისტროს N7 საგზაო-საექსპლუატაციო სამმართველოს მთავარ ინჟინრად; 1969 წელს დაინიშნა N1 საგზაო საექსპლუატაციო სამმართველოს მთავარ ინჟინრად, სადაც მუშაობდა 1977 წლამდე; ამ პერიოდში მისი წინადადებითა და მონაწილეობით განხორციელდა სიღნაღის რაიონის სოფელ ბოდბედან დედოფლისწყაროს რაიონის სოფელ გამარჯვებამდე რესპუბლიკური დანიშნულების გზის მიმართულების შეცვლა, რითაც გამოირიცხა რკინიგზის გადაკვეთაზე ორი გზაგამტარის მშენებლობა; 1977 წლიდან მუშაობდა საქართველოს საავტომობილო გზების სამინისტროს სახელმწიფო დანიშნულების გზების მთავარ სამმართველოში ხელმძღვანელ თანამდებობაზე; 1983 წლიდან დაინიშნა N11 საგზაო-სამშენებლო სამმართველოს მთავარ ინჟინრად, სადაც მუშაობდა 2009 წლამდე; მისი მონაწილეობით განხორციელდა თბილისის შემოვლითი გზისა და "თბილისი-ნატახტარის" გზის მონაკვეთზე მეორე ზოლის მშენებლობა, ასევე ქ. თბილისისა და აღმოსავლეთ საქართველოს ტერიტორიაზე მრავალი ქუჩისა და ხიდის სარეაბილიტაციო სამუშაოები; იყო აღმოსავლეთ საქართველოსა და ქართლის რეგიონებში მშენებარე ობიექტების მიღება-ჩაბარების კომისიის ხელმძღვანელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.547-548; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.261

• 1998 - ღირსების მედალი
  მდინარე ხრამზე სახიდე გადასასვლელის - "წითელი ხიდის" მშენებლობის დადგენილ ვადაში დამთავრებისა და მაღალი პროფესიონალიზმის გამოვლენისათვის