შოთა ფირცხალაიშვილი

დაბადების ადგილი: სოფელი ლაშისღელე, ლანჩხუთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1968 წელს.

1960-1968წწ. მუშაობდა საპროექტო ინსტიტუტებში - "საქქალაქმშენსახპროექტსა" და "ჰიდროენერგოპროექტში" - ტექნიკოსად, ინჟინრად; 1968-1975წწ. იყო საქართველოს მშენებლობის სამინისტროს N2 სამშენებლო ტრესტის N19 მოძრავ-მექანიზებული კოლონის სამუშაოთა მწარმოებელი; 1975-1994წწ. მუშაობდა საქართველოს სასოფლო მშენებლობის სამინისტროს ქ. ოზურგეთის N8 სამშენებლო ტრესტის უფროს სამუშაოთა მწარმოებლად, ტრესტის მთავარ ინჟინრად, ტრესტის მმართველად; 1994 წლიდან სააქციო საზოგადოების გენერალური დირექტორია; მონაწილეობდა და ხელმძღვანელობდა გურიის რეგიონში საცხოვრებელი სახლების, სამრეწველო და სასოფლო-სამეურნეო დანიშნულების ობიექტების, ლანჩხუთის სტადიონის, სტიქიით დაზარალებული მაღალმთიანი სოფლების მოსახლეობისთვის ახალი სოფლების მშენებლობას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.548-549