ჰარაბა

ჰარაბა - XI საუკუნის ქართველი ხუროთმოძღვარი. ააგო სავანის წმინდა გიორგის ეკლესია (სოფ. სავანე, საჩხერის მუნიციპალიტეტი). მიუხედავად სიმცირისა, ეკლესია შუა საუკუნეების ქართული ხუროთმოძღვრების ერთ-ერთი საუკეთესო ნიმუშია და მორთულობის მხრივ იმ წრეში ექცევა, რომელსაც განეკუთვნება კაცხის ტაძრის გარსშემოსავლელი, პატარა ონის (ამბროლაურის მუნიციპალიტეტი) წმინდა ნიკოლოზის ეკლესია, ნიკორწმინდის აღმოსავლეთი ფასადი და სხვ.

წყარო: ქართული საბჭოთა ენციკლოპედია, ტ. 11, თბ., 1987, გვ.601