თომა ფოცხიშვილი

დაბადების ადგილი: სოფელი ხილიხავი, ჩოხატაურის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი არქიტექტურის სპეციალობით 1932 წელს.

მუშაობდა სხვადასხვა სამშენებლო და საპროექტო ორგანიზაციებში ხელმძღვანელ თანამდებობებზე; 1937-1939წწ. იყო საქართველოს ჯანმრთელობის დაცვის სამინისტროს მთავარი ინჟინერი, ხელმძრავნელობდა მედქალაქის მშენებლობას; 1946 წელს იყო საპროექტო ინსტიტუტ "საქსახვაჭრობპროექტის" დირექტორი და შემდგომ მთავარი არქიტექტორი; მისი ძირითადი ნამუშევრებია: სანატორიუმები და პავილიონები წყალტუბოში, რესტორანი მტკვარზე ქ. თბილისში, კინოთეატრი 500 ადგილზე ბორჯომში, ტიპური პროექტები - პავილიონები 60 ადგილზე და სასაუზმე 250 ადგილზე და სხვა; მიღებული აქვს I პრემია რუსთაველის მოედნის რეკონსტრუქციის პროექტისათვის ქ. თბილისში (1940). დაჯილდოებულია მედლებით და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.550

• საქართველოს არქიტექტორთა კავშირი, თავმჯდომარის მოადგილე (1935-1939)
• სსრკ არქიტექტორთა კავშირის "არქფონდის" საქართველოს განყოფილება , თავმჯდომარე

• ლენინის ორდენი
• საქართველოს დამსახურებული ინჟინერი