ოთარ ფურცელაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი თბოაირმომარაგებისა და ვენტილაციის სპეციალობით 1961 წელს.

მუშაობდა საკავშირო დაქვემდებარების საპროექტო ინსტიტუტ "პრომსვიაზის" თბილისის ფილიალში ინჟინრად; 1963-1966წწ. იყო მოსკოვის საინჟინრო-სამშენებლო ინსტიტუტის ასპირანტი; 1967 წლიდან მუშაობდა საქართველოს ტექნიკური უნივერსიტეტის თბოაირმომარაგებისა და ვენტილაციის კათედრაზე ასისტენტად, დოცენტად, პროფესორად; 1971-1972წწ. გაიარა სამეცნიერო სტაჟირება საფრანგეთში, პარიზის უნივერსიტეტში; 1988-1993წწ. იყო საქართველოს ტექნიკური უნივერსიტეტის ჰიდროტექნიკისა და სანტექნიკის ფაკულტეტის დეკანი, შემდეგ სამშენებლო ინსტიტუტის დირექტორის მოადგილე; თბოაირმომარაგებისა და ვენტილაციის მიმართულების ხელმძღვანელი, სრული პროფესორი. 1995-2000წწ. - "ტასის"-ის სამი ენერგეტიკული პროექტის ექსპერტ-კოორდინატორი. საქართველოს ენერგოეფექტურობის ფონდის და საქართველოს ენერგოეფექტურობის ცენტრის დამფუძნებელი. მონაწილეობდა რამდენიმე საკავშირო, საერთაშორისო, რესპუბლიკურ კონფერენციაში და სიმპოზიუმში. 50-ზე მეტი სამეცნიერო სტატიის, გამოგონების, ორი მონოგრაფიისა და ორი სახელმძღვანელოს ავტორი. იყო ასპირანტების, მაგისტრანტების და დოქტორანტების მეცნიერ-ხელმძღვანელი. ტექნიკურ მეცნიერებათა კანდიდატი (1966).

წყარო: არქიტექტორთა და მშენებელთა ენციკლოპედია. - თბ., 2017.-გვ.553; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.330-331; ოთარ ფურცელაძე : განცხადება გარდაცვალების შესახებ // საქართველოს რესპუბლიკა.-თბილისი, 2016. 21 დეკემბერი. N238 (8130).- გვ.11

• გათბობის, ვენტილაციის, ჰაერის კონდიცირების, თბომომარაგების და თბოფიზიკის ინჟინერთა საკავშირო ასოციაცია, წევრი

• ენერგომენეჯმენტი (ავტორი). - თბილისი, ტექნ. უნ-ტი, 2005. - 66გვ.
• ენერგოაუდიტი : სახელმძღვ. სტუ-ს ჰიდროსაინჟ. ფაკ. სტუდ. (ავტორი). - თბილისი, ტექნიკური უნ-ტი, 2004. - 87გვ.
• საზოგადოებრივი შენობის ჰაერის კონდიცირება : მეთოდ. მითითებები საკურსო პროექტის შესადგენად (შემდგენელი). - თბილისი, საქ. პოლიტექნ. ინ-ტის გამ-ბა , 1980. - 52გვ.