მალხაზ ფუტკარაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

მუშაობა დაიწყო საქართველოს მშენებლობის სამინისტროს N2 სამშენებლო ტრესტის N5 სამშენებლო სამმართველოში მშენებელ ოსტატად; 1965 წლიდან პედაგოგიურ მოღვაწეობას ეწეოდა საქართველოს პოლიტექნიკური ინსტიტუტის სამშენებლო კონსტრუქციების კათედრაზე; 1968-1970წწ. მუშაობდა საქართველოს მშენებლობის სამინისტროს N14 სამშენებლო ტრესტის N1 რკინაბეტონის ნაკეთობათა კომბინატში ლაბორატორიის უფროსად, მთავარ ტექნოლოგად; 1972-1984წწ. ამავე ტრესტის სამრეწველო განყოფილების უფროსად, მთავარ ტექნოლოგად; სხვადასხვა დროს მუშაობდა სამრეწველო-საწარმოო N4 (1986) და N5 (1988) სამშენებლო კომბინატების მთავარ ინჟინრად; აქტიურად მონაწილეობდა გლდანის, მუხრანის, დიდი დიღმის, ვაზისუბნის, ფონიჭალის მიკრორაიონებისა და სხვა სამოქალაქო დანიშნულების ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.553