იური ქადარია

დაბადების ადგილი: სოფელი ლეძაძამე, სენაკის რაიონი.

დაამთავრა ქ. ფოთის ჰიდრომელიორაციული ტექნიკუმი ჰიდროტექნიკოსის კვალიფიკაციით 1965 წელს; საქართველოს პოლიტექნიკური ინსტიტუტის სამშენებლო ფაკულტეტი სამდინარო ნაგებობებისა და ჰიდროელექტროსადგურების მშენებლობის სპეციალობით 1972 წელს.

1966-1972წწ. მუშაობდა ქ. ფოთში საქართველოს მშენებლობის სამინისტროს N11 სამშენებლო ტრესტის N1 სამშენებლო სამმართველოში სამუშაოთა მწარმოებლად, უბნის უფროსად; 1974 წლიდან მუშაობა დაიწყო საქართველოს პოლიტექნიკურ ინსტიტუტში ჰიდრავლიკის კათედრაზე; 1988-2005წწ. მუშაობდა ჰიდროტექნიკისა და სანტექნიკის ფაკულტეტის დეკანის მოადგილედ; 2005 წლიდან სამშენებლო ფაკულტეტის დეკანის მოადგილედ; გამოქვეყნებული აქვს 40-ზე მეტი სამეცნიერო ნაშრომი; 1989 წლიდან ტექნიკურ მეცნიერებათა კანდიდატია; დაიცვა სადოქტორო დისერტაცია 2005 წელს; 2005 წლიდან სრული პროფესორის თანამდებობაზე მუშაობს; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.554