ირაკლი ქავთარაძე

დაბადების ადგილი: დაბა ფასანაური.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

1957-1958წწ. მუშაობდა უკრაინაში, ვოროშილოვგრადის ოლქში, სამშენებლო ტრესტ "კრასნოლუჩშახტმშენის" იანოვსკის სამშენებლო სამმართველოში ოსტატად; 1958-1975წწ. საპროექტო ინსტიტუტ "თბილქალაქპროექტში" - კონსტრუქტორად, "თბილგაზმშენისა" და "ინჟმშენის" N3 და N2 სამშენებლო-სამონტაჟო სამმართველოებში - მთავარ ინჟინრად, უფროსად; 1976 წელს იყო საქართველოს საყოფაცხოვრებო მომსახურების სამინისტროს სამმართველოს უფროსი; 1976-1992წწ. საქართველოს სასოფლო მშენებლობის სამინისტროს თბილისის სამშენებლო სამმართველოს უფროსი, ცეკავშირის ტრესტ "საქკოოპრემმონტაჟსპეცმშენისა" და საქართველოს კომუნალური მეურნეობის სამინისტროს N1 სამშენებლო ტრესტის მმართველი; 1992-2004წწ. მუშაობდა საქართველოს ურბანიზაციისა და მშენებლობის სამინისტროს მთავარ სპეციალისტად; ხელმძღვანელობდა ქ. თბილისის გაზიფიკაციის ქსელების, გაზგამანაწილებელი სადგურისა და გაზმარეგულირებელი პუნქტების, ადმინისტრაციული შენობების, საცხოვრებელი სახლების, თბოქსელების, კვარტალური საქვაბეების, თბოპუნქტების, წყალსადენების, სანიაღვრე კოლექტორების, სასმელი წყლის რეზერვუარების, მიწისქვეშა გადასასვლელების, ასევე, სავაჭრო და კომუნალური ობიექტების სამშენებლო-სამონტაჟო სამუშაოებს; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.555; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.273

• 2000 - ღირსების ორდენი
• საპატიო ნიშნის მედალი