ნოდარ ქავთარაძე

დაბადების ადგილი: ქ. დედოფლისწყარო.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს; მოსკოვის ს. ორჯონიკიძის სახელობის ინსტიტუტი 1979 წელს; სახალხო მეურნეობის მართვის ინსტიტუტი 1983 წელს.

1963-1968წწ. მუშაობდა საქართველოს მშენებლობის სამინისტროს "მთავართბილმშენის" N9 სამშენებლო სამმართველოშო სამუშაოთა მწარმოებლად; 1968-1974წწ. საქართველოს სასოფლო მშენებლობის სამინისტროს N14 მოძრავ-მექანიზებული კოლონის უფროს სამუშაოთა მწარმოებლად, კოლონის უფროსად; 1974-1981წწ. N4 სამშენებლო ტრესტის მთავარ ტექნოლოგად, იმავე სამინისტროს N8 სამშენებლო ტრესტის N57 და N27 მექანიზებული კოლონების უფროსად; 1981-1983წწ. N8 სამშენებლო ტრესტის მთავარ ინჟინრად; 1983-1994წწ. იყო საქართველოს სასოფლო მშენებლობის სამინისტროს N1 ტრესტის მოძრავ-მექანიზებული კოლონის უფროსი; 1994-1997წწ. შპს "ალგეთის" უბნის უფროსი; 1997-2004წწ. შპს "ჯებირის" მთავარი ინჟინერი; ხელმძღვანელობდა რამდენიმე საცხოვრებელი სახლის (თბილისში), 18 ჰა ფართობის სასათბურე მეურნეობის (კრწანისში), კულტურის სახლის (ზემო ქედაში), სასოფლო დანიშნულების ობიექტების მშენებლობას (რუსეთში, ვოლოგდის ოლქსა და საქართველოში - კახეთის ზონაში), დედოფლისწყაროს საავადმყოფოს რეკონსტრუქციას; 1990-1991წწ. მიწისძვრების შედეგად დაზიანებული შენობა-ნაგებობების აღდგენას (ჭიათურა-საჩხერის ზონაში); მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.555