გიორგი შარვაშიძე

დაბადების ადგილი: ქ. ქუთაისი.

2002 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის და საერთაშორისო ურთიერთობების ფაკულტეტი და მიენიჭა საერთაშორისო ურთიერთობების ბაკალავრის აკადემიური ხარისხი; 2005-2006წწ. გაიარა საქართველოში აშშ-ის საელჩოსა და RAND კოპრორაციის მხარდაჭერით გამართული საერთაშორისო ურთიერთობებისა და ეროვნული უსაფრთხოების კურსი საქართველოს სტრატეგიისა და საერთაშორისო ურთიერთობების კვლევის ფონდში; 2009 წელს სწავლა განაგრძო საფრანგეთსა (ICN Business School, ქ.ნანსი) და მოგვიანებით იტალიაში (Universita Cattolica del Sacro Cuore. ქ. მილანი) და 2010 წელს მიენიჭა საერთაშორისო მენეჯმენტის მაგისტრის ორმაგი ხარისხი; 2010-2011წწ. სწავლობდა აღმოსავლეთ ჩინეთის (ქ. შანხაი) მეცნიერების და ტექნოლოგიის უნივერსიტეტში (ECUST) ბიზნეს ადმინისტრირების სპეციალობით და მიენიჭა მაგისტრის ხარისხი.

1996-1998წწ. - ქუთაისის წმინდა ნინოს სახელობის გიმნაზიის გაზეთ "ისრიმის" მთავარი რედაქტორი; 2002 წლის ივნისიდან ნოემბრამდე - იმერეთში საქართველოს პრეზიდენტის სახელმწიფო რწმუნებულის აპარატი, საგარეო ურთიერთობათა ცენტრის კოორდინატორი; 2004-2005წწ. - საზოგადოებრივი გაერთიანება "დემოკრატიის ცენტრი", საგარეო ურთიერთობათა მენეჯერი; 2005-2006წწ. საქართველოს შინაგან საქმეთა სამინისტროს ადმინისტრაციული დეპარტამენტის საერთაშორისო ურთიერთობათა სამმართველო, უფროსი ინსპექტორი; 2006-2016წწ. სააქციო საზოგადოება "სარაჯიშვილი", სხვადასხვა თანამდებობები; 2016-2017წწ. სააქციო საზოგადოება "სარაჯიშვილი", აღმასრულებელი დირექტორის მოადგილე, ოპერაციული დირექტორი. 2017-2018წწ. საქართველოს საგარეო საქმეთა მინისტრის მოადგილე. 2018-2020წწ. საქართველოს საგანგებო და სრულუფლებიანი ელჩი ნიდერლანდების სამეფოში.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.167