ეკა კვალიაშვილი

დაბადების ადგილი: ქ. თბილისი.

დაამთავრა I სამუსიკო სასწავლებელი, ფორტეპიანოს კლასი 1984 წელს, საქართველოს პოლიტექნიკური ინსტიტუტის ავტომატიკისა და ტელემექანიკის ფაკულტეტი 1988 წელს.

იყო საქართველოს ტელევიზიის საესტრადო ორკესტრის, ანსამბლ "ჯორჯიასა" და ვია "შანსის" სოლისტი. გამოცემული აქვს ალბომები: "დამივიწყე" (1997), "ფერისცვალება" (2001), "როგორ მიყვარხარ" (2005); ჩატარებული აქვს საქველმოქმედო სოლო კონცერტი, რომელიც მიეძღვნა უდედმამო ბავშვებს (1999), სოლო კონცერტი (2002). მიღებული აქვს მონაწილეობა პროექტებში "იმპერია" (2004); გადაღებული აქვს კლიპი "სოფელო" (2004). არის მრავალი ჯილდოსა და პრემიის მფლობელი: "მის-როკ ევროპა - 92"; "ბათუმის ტრუბადურები" - გრან-პრი 95; 2000 წლის საუკეთესო ვოკალისტი; 2000 წლის ბოლო ათწლეულის საუკეთესო შემსრულებელი; "ლიგა" -96; "მეგა" (2006); "ოქროს დისკი". დღეისათვის იგი ასრულებს ფოლკლორს, ჯაზს, სოულს, პოპს და რომანსებს. მომღერალი, პიანისტი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.252; საქართველო: ენციკლოპედია: ტ. IV. -თბ., 2018.-გვ. 641