გაბრიელ ქართველიშვილი

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1935 წელს.

1930 წელს დაიწყო შრომითი საქმიანობა; მუშაობდა სხვადასხვა სამშენებლო ორგანიზაციებში ტექნიკოს-მშენებლად, სამუშაოთა მწარმოებლად, მთავარ ინჟინრად; 1937-1941წწ. იყო სამშენებლო-სამონტაჟო ტრესტ "საქკვებმშენის" მშენებლობის განყოფილების უფროსი; 1941-1945წწ. II მსოფლიო ომის პერიოდში იბრძოლა საბჭოთა არმიის რიგებში, იყო არმიის საარტილერიო ქვედანაყოფის უფროსი; 1946-1957წწ. საბჭოთა არმიის რიგებიდან დემობილიზაციის შემდეგ მუშაობდა სამშენებლო-სამონტაჟო ტრესტ "საქკვებმშენის" მთავარ ინჟინრად, "ტრანსწყალმშენის" სამშენებლო სამმართველოს უფროსად, სამშენებლო ტრესტ "ამიერკავკასმეტალურგმშენის" მთავარ ინჟინრად, "ამიერკავკასმეტალურგმშენის"  მმართველის მოადგილედ; 1957 წელს დაინიშნა სამშენებლო გაერთიანება "მთავართბილმშენის" უფროსად; პროფესიული საქმიანობის სხვადასხვა ეტაპზე თავი გამოიჩინა, როგორც გამოცდილმა ინჟინერმა, სამშენებლო წარმოების კარგმა ორგანიზატორმა და ხელმძღვანელმა; წლების განმავლობაში აქტიურ მონაწილეობას იღებდა მეტალურგიის სფეროს ობიექტების მშენებლობაში რუსთავში, ზესტაფონსა და ჭიათურაში; 1969-1972წწ. მივლინებული იყო ირანში მეტალურგიული კომბინატის მშენებლობის მთავარ ექსპერტად; სამშობლოში დაბრუნების შემდეგ მუშაობდა საქართველოს მომარაგების სახელმწიფო კომიტეტის თავმჯდომარის მოადგილედ; მიღებული ჰქონდა მრავალი სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.557

• საქართველოს კომპარტიის ცენტრალური კომიტეტი, წევრი
• საქართველოს სსრ მშენებლობის მინისტრი (1962-1965)
• საქართველოს უმაღლესი საბჭო, დეპუტატი

• მედალი "კავკასიის დაცვისთვის"
• მედალი "გერმანიაზე გამარჯვებისთვის"
• შრომის წითელი დროშის ორდენი