გიორგი ქართველიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1963-1972წწ. შრომითი საქმიანობა დაიწყო საქართველოს მშენებლობის სამინისტროს სისტემაში, სადაც მუშაობდა ოსტატად, სამუშაოთა მწარმოებლად, სამშენებლო სამმართველოს მთავარ ინჟინრად, სამშენებლო სამმართველოს უფროსად, ტრესტის მმართველის მოადგილედ, ტრესტის მთავარ ინჟინრად; 1973-1977წწ. მივლინებული იყო ირანსა და ეგვიპტეში მეტალურგიული ქარხნების მშენებლობაზე; 1977-1993წწ. იყო საქართველოს კომპარტიის ცენტრალური კომიტეტის ინსტრუქტორი, საქართველოს მშენებლობის მინისტრის მოადგილე და პირველი მოადგილე; 1994 წლიდან მუშაობდა მოსკოვში და იყო საწარმოო-სამშენებლო ფირმის ერთ-ერთი დამფუძნებელი; მთელი თავისი პროფესიული საქმიანობის განმავლობაში აქტიურად მონაწილეობდა საქართველოს სახალხო მეურნეობის მნიშვნელოვანი სამრეწველო, საბინაო და საზოგადოებრივი დანიშნულების ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.557

• შრომის წითელი დროშის ორდენი
• საქართველოს დამსახურებული ინჟინერი