კობა ქარსიძე

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1964 წელს.

1963-1970წწ. მუშაობდა სსრკ ენერგეტიკის სამინისტროს სამშენებლო-სამონტაჟო ტრესტ "კავკაზელექტროქსელმშენის" N1 მექანიზებულ კოლონაში ოსტატად, უფროს სამუშაოთა მწარმოებლად, უბნის უფროსად, პიატიგორსკის მოძრავ-მექანიზებული კოლონის უფროსად; 1972-1978წწ. მუშაობდა "საქმთავარენერგოს" სამშენებლო-სამონტაჟო ტრესტ "საქსაოფლელექტრომშენის" N4 მოძრავ-მექანიზებული კოლონის მთავარ ინჟინრად და უფროსად; 1978-1988წწ. ტრესტ "საქსოფლელექტრომშენის" მთავარ ინჟინრად: 1988-1992წწ. "საქენერგოს" სამშენებლო ტრესტის მმართველად; 1992-1994წწ. იყო სამშენებლო-სამონტაჟო ტრესტ "ელექტრომშენისა" და 1994-2007წწ. სს "ანძის" მთავარი ინჟინერი; 2007 წლიდან შპს "დარიალის" დირექტორია; მონაწილეობდა სოჭის (110კვ) და "დიდი ზესტაფონის" (220კვ) ქვესადგურების, "ენგურჰესი-თბილსრესის" (500კვ), "მესტია-ზემოსვანეთის", "ენგურჰეს-მესტიის" (110/35კვ), "ტყვიავი-მეღვრიკისის" (35კვ) მაღალი ძაბვის ელექტროგადამცემი ხაზებისა და ქვესადგურების მშენებლობაში; ასევე, სომხეთში სპიტაკის მიწისზვრის შედეგად დანგრეული და აფხაზეთის ომის დროს დაზიანებული (220-110კვ) ელექტროგადამცემი ხაზებისა და ქვესადგურების აღდგენით და სამშენებლო-სამონტაჟო სამუშაოებში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.557-558

• საქართველოს სახელმწიფო პრემია
• საქართველოს დამსახურებული ინჟინერი