რამაზ ქაცარავა

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1960-1965წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" სამშენებლო სამმართველოში სამუშაოთა მწარმოებლად; 1965-1970წწ. საქართველოს მინისტრთა საბჭოს არქიტექტურისა და მშენებლობის საქმეთა სახელმწიფო კომიტეტში - მთავარ სპეციალისტად; 1970 წლიდან იყო თბილისის ზონალურ ს/კ ტიპური და ექსპერიმენტული პროექტირების ინსტიტუტ "თბილზნიიეპის" დირექტორის მოადგილე და გენერალური დირექტორი; შრომითი საქმიანობის სხვადასხვა ეტაპზე მონაწილეობდა თბილისის არაერთი მნიშვნელოვანი შენობა-ნაგებობის მშენებლობაში; ხელმძღვანელობდა საზოგადოებრივი და საცხოვრებელი დანიშნულების შენობა-ნაგებობებისთვის ახალი კონსტრუქციული სისტემების შესაქმნელად ჩატარებულ სამეცნიერო-ექსპერიმენტულ კვლევებს; აქტიურად მონაწილეობდა ყოფილ საბჭოთა ტერიტორიებზე მიწისძვრისა თუ სხვა სტიქიურ უბედურებათა შედეგად დაზიანებული შენობა-ნაგებობების აღდგენა-გამაგრებაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.560

• სსრკ სახელმწიფო პრემია