ჯიმშერ ქაჯაია

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის ჰიდრომელიორაციის ფაკულტეტი ინჟინერ-ჰიდროტექნიკოსის კვალიფიკაციით 1954 წელს.

1954-1963წწ. მუშაობდა საქართველოს სსრ მელიორაციისა და წყალთა მეურნეობის სამინისტროს საპროექტო ინსტიტუტ "საქსახწყალპროექტში" ინჟინრად, უფროს ინჟინრად, საპროექტო ჯგუფის ხელმძღვანელად; 1963-1966წწ. მუშაობდა საქართველოს სსრ კომუნალური მეურნეობის სამინისტროს კომუნალურ საწარმოთა და კეთილმოწყობის სამმართველოს მთავარ ინჟინრად; 1966-1973წწ. იყო საქართველოს სსრ მინისტრთა საბჭოს უფროსი რეფერენტი; 1973-1975წწ. საქართველოს გაზიფიკაციის მთავარი სამმართველოს უფროსის მოადგილე; 1975 წელს დაინიშნა საქართველოს სსრ საბინაო-კომუნალური მეურნეობის მინისტრის მოადგილედ; 1977 წელს - საქართველოს მელიორაციისა დაწყალთა მეურნეობის მინისტრის პირველ მოადგილედ; 1983-1984წწ. მუშაობდა საქართველოს სსრ სასოფლო-სამეურნეო საწარმოების სახელმწიფო კომიტეტში, სამელიორაციო სისტემების ექსპლუატაციის მთავარი სამმართველოს უფროსის თანამდებობაზე; 1984-1986წწ. იყო საქართველოს სსრ ბუნებრივი დაცვის სახელმწიფო კომიტეტის თავმჯდომარის მოადგილე; 1986-1991წწ. კი რესპულიკური საწარმოო გაერთიანება "საქწყალექსპლუატაციის" უფროსი; 1992 წლიდან სოფლის მეურნეობისა და სურსათის სამინისტროს სახელმწიფო სამელიორაციო ინსპექციის უფროსი; სხვადასხვა დროს იყო საქართველოს სასოფლო-სამეურნეო ინსტიტუტის ჰიდრომელიორაციის ფაკულტეტის სამეცნიერო საბჭოს წევრი; 1986-1991წწ. არჩეულ იქნა სოფლის მეურნეობის აკადემიის ჰიდროტექნიკისა და მელიორაციის სექციის თავმჯდომარედ; აღსანიშნავია, რომ 1945-1952წწ. იყო საქართველოს სახელმწიფო ხალხური ცეკვის ანსამბლის ერთ-ერთი გამორჩეული და სახელოვანი მოცეკვავე.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.562-563; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.121

• ფაზისის მეცნიერებათა აკადემია, წევრი

• 1997 - ღირსების ორდენი
• 1980 - საქართველოს დამსახურებული ინჟინერი