რევაზ ქევანიშვილი

დაბადების ადგილი: სოფელი პატრიკეთი, წყალტუბოს რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებობის სპეციალობით 1974 წელს.

შრომითი საქმიანობა დაიწყო საპროექტო ინსტიტუტ "საქქალაქმშენსახპროექტის" ქუთაისის ფილიალში ინჟინერ კონსტრუქტორად, სამშენებლო განყოფილების უფროსად; 1994 წლიდან სამუშაოდ გადავიდა ქ. მოსკოვში, სადაც მუშაობდა სამშენებლო კომპანიაში საცხოვრებელი კომპლექსის მშენებლობაზე, მთავარი სპეციალისტის თანამდებობაზე; მონაწილეობდა საცხოვრებელი სახლების მშენებლობაში ტოლბუხინას ქუჩაზე და ნახიმოვის პროექტზე; 2009 წლიდან ინიშნება სამშენებლო კომპანია "BK Capital"-ის გენერალურ დირექტორად; მისი მონაწილეობით სამშენებლო კომპანიის მიერ ქ. თბილისში განხორციელებულია "საქართველოს ბანკის" ცენტრალური ოფისის რეკონსტრუქცია გაგარინის ქუჩაზე, მთაწმინდაზე "ფუნიკულიორის" შენობის რეკონსტრუქცია, თამარაშვილის N13-ში განხორციელდა კომპანია "m2"-ის საცხოვრებელი კომპლექსის მშენებლობა 64000 მ2 საცხოვრებელი ფართობით, ასევე, ქ. თბილისში მახათას მთაზე დასრულების პროცესშია ივერიის ღვთისმშობლის ხატის სახელობის ტაძრისა და სამონასტრო კომპლექსის მშენებლობა; მონაწილეობას იღებდა ქ. ონსა და მის შემოგარენში მიწისძვრის შედეგად დაზიანებული სახლების აღდგენა-რეკონსტრუქციის პროექტების დამუშავებაში; აღადგინა და რეკონსტრუქცია ჩაუტარა წყალტუბოს რაიონის სოფელ პატრიკეთში წმინდა გიორგის სახელობის ეკლესიას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.564