ილია ქევხიშვილი

დაბადების ადგილი: სოფელი აკურა, თელავის რაიონი.

დაამთავრა მოსკოვის კუიბიშევის სახელობის საინჟინრო-სამშენებლო ინსტიტუტის სამშენებლო ფაკულტეტი 1968 წელს.

1968-1986წწ. მუშაობდა მოსკოვში, სპეციალურ სამონტაჟო გაერთიანება "მოსსანტექმშენის" N1 და N58 ტრესტებში სამუშაოთა მწარმოებლად, მთავარ ინჟინრად, უფროსად; სამშენებლო გაერთიანება "მთავარმოსმშენის" N6 სამშენებლო ტრესტის მთავარ ინჟინრად, ტრესტის მმართველად; 1986-1987წწ. სამშენებლო გაერთიანება "მთავარმოსმშენის" საბანაო მშენებლობის გაერთიანების უფროსის მოადგილედ; 1987-1993წწ. საქართველოში დაბრუნების შემდეგ მუშაობდა საქართველოს მშენებლობის სამინისტროს სამშენებლო-სამონტაჟო საწარმოო გაერთიანება "თბილქალაქმშენის" უფროსად, ფირმა "თბილქალაქმშენის" პრეზიდენტად; იყო საქართველოს მშენებლობის მინისტრის მოადგილე, სამინისტროს კოლეგიისა და თბილისის საქალაქო საბჭოს აღმასკომის წევრი; ხელმძღვანელობდა თბილისში დიღმის მასივისა და ვარკეთილის, მუხიანის, ვაზისუბნის საცხოვრებელი მიკრორაიონების მშენებლობას, მიწისძვრის შედეგად საჩხერის რაიონში დანგრეული საცხოვრებელი სახლების აღდგენას, ტიუმენის ოლქისა (რუსეთი) და ჩერნობილის (უკრაინა) ატომური ელექტროსადგურის ავარიის შედეგად დაზარალებული ოჯახებისთვის საცხოვრებელი სახლების მშენებლობას; იყო არაერთგზის იყო არჩეული თბილისის საქალაქო საბჭოს დეპუტატად; მიღებული ჰქონდა სახელმწოფო ჯილდოები; ახალგაზრდობის პერიოდში აქტიურად იყო ჩართული სპორტში; არის სპორტის ოსტატი ჭიდაობაში, სსრკ ჩემპიონი ახალგაზრდებსა და ჭაბუკებს შორის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.564-565

• საქართველოს დამსახურებული ინჟინერი