გიორგი ქემოკლიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1963 წელს.

1963 წლიდან მუშაობდა საქართველოს მელიორაციისა და წყალთა მეურნეობის სისტემაში უფროს ინჟინრად, საპროექტო ინსტიტუტ "საქსახწყალპროექტში" ჯგუფის ხელმძღვანელად, სამშენებლო გაერთიანება "საქმთავარწყალმშენის" სისტემაში სამუშაოთა მწარმოებლად, მთავარ ინჟინრად, სამშენებლო სამმართველოს უფროსად, სამშენებლო ტრესტ "იორწყალმშენის" მმართველად და მთავარი სამშენებლო გაერთიანება "საქმთავარწყალმშენის" უფროსის პირველ მოადგილედ; მისი მონაწილეობით აშენდა დალის მთის, ზონკარის წყალსაცავები; ზემო სამგორის, "ტბისი-კუმისის", ტაშისკარის, "თეზი-ოკამის" სარწყავი სისტემები, წნორის მეცხოველეობის კომპლექსის სარწყავი სისტემა და სხვა სამელიორაციო, სამრეწველო და სამოქალაქო დანიშნულების ნაგებობები; მიღებული ჰქონდა საქართველოს სსრ სახელმწიფო და საკავშირო სამინისტროს ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.565