გაიოზ დევდარიანი

დაბადების ადგილი: სოფელი ხარაგაული, შორაპნის მაზრა.

1919 წლის ოქტომბერში მენშევიკური მთავრობის წინააღმდეგ აჯანყების მოწყობაში მონაწილეობისათვის დააპატიმრეს და მეტეხის ციხეში ჩასვეს; 1920 წელს პარტიამ სამხრეთ ოსეთში გაგზავნა, სადაც ივნისში სხვებთან ერთად ხელმძღვანელობდა მშრომელთა აჯანყებას მენშევიკური რეჟიმის წინააღმდეგ; 1920 წლის ივლისიდან კომკავშირულ სამუშაოზეა; იყო კომკავშირის ამიერკავკასიის ბიუროს და წითელგვარდიული მთავარი შტაბის წევრი; აქტიურად იბრძოდა საქართველოში საბჭოთა ხელისუფლების გამარჯვებისათვის; 1921-1923წწ. მუშობდა ჯერ კომკავშირის თბილისის საგუბერნიო კომიტეტის, ხოლო შემდეგ საქართველოს კომკავშირის ცენტრალური კომიტეტის მდივნად; 1923-1925წწ. სწავლობდა მოსკოვში კომუნისტურ აკადემიასთან არსებულ მარქსიზმ-ლენინიზმის კურსებზე; 1930-1931წწ. იყო საქართველოს სსრ განათლების სახალხო კომისარი (განათლების მინისტრი); 1931 წლიდან მუშაობდა სხვადასხვა პასუხსაგებ თანამდებობებზე; დაპატიმრებამდე იყო N16 ქარხნის დირექტორი. დააპატიმრეს 1937 წელს; ბრალად ედებოდა, რომ იყო მემარჯვენეთა ა/ს ორგანიზაციის ერთ-ერთი ხელმძღვანელი პირი, ეწეოდა აქტიურ კონტრ-რევოლუციურ ძირგამომთხრელ საქმიანობას და, ამასთან ერთად, ამზადებდა ტერორისტულ აქტს საქართველოს კპ(ბ)-ის ცკ მდივან ამხ. ბერიას წინააღმდეგ. დახვრიტეს 1937 წლის 12 ნოემბერს. საბჭოთა პარტიული მოღვაწე.

წყარო: ქართული საბჭოთა ენციკლოპედია: ტ.3.-თბ., 1978.-გვ.435; სტალინური სიები საქართველოდან: nplg.gov.ge

• საბჭოთა კავშირის კომუნისტური პარტია, წევრი (1919-)