ვალერი ქეცბა

დაბადების ადგილი: გუდაუთის რაიონი.

დაამთავრა სოხუმის პროფესიულ-ტექნიკური სასწავლებელი მშენებელი-მუშის კვალიფიკაციით 1963 წელს.

1963 წელს მუშაობა დაიწყო პიციკვარის ბარიტის მოპოვების სამმართველოში გვირაბგამყვანად; 1964-1967წწ. მოიხადა სავალდებულო სამხედრო სამსახური; 1967 წელს მუშაობა დაიწყო ჯერ სოხუმის სამრეწველო საწარმოთა კომბინატში, ხოლო შემდეგ საყოფაცხოვრებო მომსახურების კომბინატში ბრიგადირად; 1972 წელს სამუშაოდ გადადის საქართველოს მშენებლობის სამინისტროს N6 სამშენებლო ტრესტის სისტემაში, N2 სამშენებლო სამმართველოს კალატოზად; 1973 წელს სათავეში ჩაუდგა მშენებელთა კომპლექსურ ბრიგადას; არაერთგზის იყო არჩეული აფხაზეთის ავტონომიური რესპუბლიკის უმაღლესი საბჭოს დეპუტატად და უმაღლესი საბჭოს მშენებლობის, საბინაო-კომუნალური მეურნეობისა და კეთილმოწყობის კომისიის წევრად; მიღებული ჰქონდა სხვადასხვა სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.566

• 1979 - საქართველოს სახელმწიფო პრემია
  სახელმწიფო მნიშვნელობის სამრეწველო ობიექტის მშენებლობის ვადაზე ადრე დამთავრებისა და საექსპლუატაციოდ სამუშაოთა მაღალი ხარისხით ჩაბარებისთვის
• საპატიო ნიშნის ორდენი