გელა ქვათაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1952 წელს.

მუშაობდა საქართველოს მელიორაციისა და წყალთა მეურნეობის სამინისტროს საპროექტო ინსტიტუტ "საქსახწყალპროექტში" ინჟინრად, უფროს ინჟინრად, ჯგუფის ხელმძღვანელად; საქართველოს კომპარტიის ცენტრალური კომიტეტის სოფლის მეურნეობის განყოფილების ინსტრუქტორად; იყო საქართველოს მელიორაციისა და წყალთა მეურნეობის მინისტრის მოადგილე (მშენებლობის დარგში), საქართველოს მინისტრთა საბჭოს საქმეთა მმართველობის მსუბუქი და კვების მრეწველობის, სოფლისა და წყალსამეურნეო მშენებლობის განყოფილების გამგის მოადგილე; მუშაობდა წყალთა მეურნეობის საწარმოო გაერთიანება "საქწყალმეურნეობის" უფროსად; ხელმძღვანელობდა კოლხეთის დაბლობის დაშრობის, ქვემო სამგორისა და ზემო ალაზნის სარწყავი სისტემების, მდინარეების - ალგეთსა და ლიახვის წყალსაცავების, მდინარე რიონის წყალმიმღები სათავე ნაგებიბისა (კაშხალი) და კვების მრეწველობის (ჩაის, ღვინის, საკონსერვო) ობიექტების მშენებლობებს. დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.566

• მედალი "შრომითი მამაცობისთვის"