არნოლდ ქვარცხავა

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1975 წელს.

1975-1981წწ. მუშაობდა სპეციალური და სამონტაჟო სამუშაოების მთავარი სამმართველოს "საქმთავარმონტაჟსპეცმშენის" სამონტაჟო სამმართველო "მრეწვენტილაციაში"; 1981-1982წწ. მივლინებული იყო იუგოსლავიის საციალისტურ-ფედერაციული რესპუბლიკის სამშენებლო ორგანიზაციებში უფროს ინჟინერ-კონსულტანტად; 1985-1996წწ. ხელმძღვანელობდა თბილისის "სანტექმონტაჟის" სამმართველოს; 1996 წლიდან არის შპს "თბილსანტექმონტაჟის" დირექტორი; მონაწილეობდა ისეთი მნიშვნელოვანი ობიქტების მშენებლობაში, როგორებიცაა: თბილისის მაუდ-კამვოლის კომბინატი, აბრეშუმის ფაბრიკა, თბილისის N31 საავიაციო ქარხანა, მიუსერის სამთავრობო აგარაკი, "ბაიკალ-ამურის" სარკინიგზო მაგისტრალის სამშენებლო ობიექტები, საქართველოს პარლამენტისა და კანცელარიის შენობები, კრწანისის სამთავრობო რეზიდენცია, წმინდა სამების საკათედრო ტაძარი, თბილისის N1 საშუალო სკოლა, საბავშვო ბაგა-ბაღები, საცხოვრებელი სახლები, ადმინისტრაციული, ჯანდაცვის და კულტურულ-საყოფაცხოვრებო ობიექტები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.567; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.294

• 1999 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული მშენებელი