გელა ქვლივიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1964-1967წწ. მუშაობდა თბილისის ზონალურ ს/კ, ტიპური და ექსპერიმენტული პროექტირების საპროექტო ინსტიტუტ "თბილზნიიეპში"; 1967-1979წწ. საქართველოს მშენებლობის სამინისტროს N2 სამშენებლო ტრესტის N8 სამშენებლო სამმართველოში საწარმოო-ტექნიკური განყოფილების ინჟინრად, უფროსად, სამუშაოთა მწარმოებლად, სამშენებლო უბნისა და სამშენებლო სამმართველოს უფროსად; 1979-1989წწ. იყო საქართველოს სასოფლო მშენებლობის N11 სამშენებლო ტრესტის სამშენებლო სამმართველოს უფროსი, ტრესტის მმართველის მოადგილე;  1990-1996წწ. საქმიანობდა კერძო სექტორში; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "დემოკრატიული პარტია", საარჩევნო ფორმა: პარტიული სიით. 1996 წლიდან ქართულ-გერმანული საპროექტო-სამშენებლო ფირმა შპს "ბეთბის" დირექტორი. მონაწილეობდა მრავალი შენობა-ნაგებობის დაპროექტება-მშენებლობაში.    

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.568; საქართველოს პარლამენტის ვებგვერდი: old.parliament.ge; საქართველოს პარლამენტის წევრები 1990-2015 / კობა ამირხანაშვილი. - თბ. -2015. -გვ. 338; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.206

• საქართველოს დემოკრატიული პარტიის ეროვნული კომიტეტი, თანათავმჯდომარე
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის მრეწველობის, მშენებლობის, ენერგეტიკის, ტრანსპორტის, კავშირგაბმულობისა და კომუნალურ მეურნეობის კომისია, წევრი (1992-1995)
• საქართველოს მე-3 მოწვევის პარლამენტის ფრაქცია "დემოკრატები", წევრი (1993-1995)

• 1998 - ღირსების ორდენი
  სამშენებლო დარგის განვითარების საქმეში შეტანილი პირადი დიდი წლილისა და ნაყოფიერი საზოგადოებრივი მოღვაწეობისათვის
• საქართველოს დამსახურებული ინჟინერი