ლონგინოზ ქორქია

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტი ხიდებისა და გვირაბების მშენებლობის სპეციალობით 1961 წელს.

შრომითი საქმიანობა დაიწყო ამიერკავკასიის N571 ხიდმშენებელ სპეციალიზებულ სამმართველოში ხიდების მშენებელ ოსტატად; 1962-1969წწ. მუშაობდა საქართველოს გზატკეცილების მთავარი სამმართველოს საგზაო ს/კ ინსტიტუტში უფროს ინჟინრად; ხიდსაცდელი სადგურის უფროსად, ხელოვნურ ნაგებობათა განყოფილების გამგედ; 1969-1976წწ. საქართველოს საავტომობილო გზების სამინისტროს ხელოვნურ ნაგებობათა განყოფილების უფროსად, სამინისტროს მთავარ სპეციალისტად მშენებლობის დარგში; 1976-1988წწ. ამავე სამინისტროს ტექნიკური სამმართველოს უფროსად; 1989-1990წწ. იყო საქართველოს ტრანსპორტისა და გზების სამინისტროს საერთო სარგებლობის გზების სამმართველოს უფროსის მოადგილე; 1990 წლიდან იყო საქართველოს საავტომობილო გზების დეპარტამენტის ტექნიკური სამმართველოს უფროსი; მონაწილეობდა ბურჯების, საბურღ-საჩითი, გარსოვანი 1,6 მ-იანი ხიმინჯების, წინასწარდაძაბული 12 მ-იანი ფილოვან მალთა ნაშენების ათვისება-დანერგვაში (პირველად საგზაო მშენებლობაში), მაღალი სიმტკიცის მასალის "ნაფტლენის" გამოყენებით ლითონის მალთა ნაშენის მონტაჟში; მდინარეებზე: მტკვარზე, ალაზანზე, არაგვზე, წიწამურის ხევზე, იორზე, ლოჭინის ხევზე, ენგურზე, ძირულაზე, აჭარისწყალზე, ჭოროხზე სახიდე გადასასვლელებისა და ხელოვნური ნაგებობების (ჩოხატაური-ბახმაროს გზაზე) აგებაში. მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.572; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.261

• 1998 - ღირსების მედალი
  მდინარე ხრამზე სახიდე გადასასვლელის - "წითელი ხიდის" მშენებლობის დადგენილ ვადაში დამთავრებისა და მაღალი პროფესიონალიზმის გამოვლენისათვის
• შრომის ვეტერანი
• საპატიო მეგზევე