გურამ ქორქაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოლოგიის ფაკულტეტი 1957 წელს; საქართველოს პოლიტექნიკური ინსტიტუტის სამშენებლო ფაკულტეტი 1967 წელს.

მუშაობდა საქართველოს მშენებლობის სამინისტროს სისტემაში სხვადასხვა თანამდებობებზე: ოსტატად, სამუშაოთა მწარმოებლად, უბნის უფროსად, მთავარ ინჟინრად, სახლსაშენი კომბინატის დირექტორად, რესპუბლიკურ გაერთიანება "საქქალაქმშენის" უფროსად, სს "საქქალაქმშენის" სამეთვალყურეო საბჭოს თავმჯდომარედ; ხელმძღვანელობდა ბინათმშენებლობაში მოწინავე მეთოდების, ტექნიკური მიღწევებისა და სიახლეების დანერგვას; საცხოვრებელი სახლებისა და სოციალური სფეროს ობიექტების მშენებლობას დედაქალაქის ვარკეთილის, ვაზისუბნის, დიდი დიღმის მიკრორაიონებში და რესპუბლიკის გარეთ, რიგ რეგიონებში; აქტიურად მონაწილეობდა ქ. ტაშკენტის მიწისძვრის შედეგად დანგრეული სახლების აღდგენასა და ახალი საცხოვრებელი უბნების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.572