გურამ ქუთათელაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ელექტრომექანიკის ფაკულტეტი 1959 წელს; ხარკოვის პოლიტექნიკური ინსტიტუტის ასპირანტურა.

მუშაობდა "საქენერგოს" ცენტრალური ლაბორატორიის გაწყობა-გაშვების სამსახურში ინჟინრად; ქ. თბილისის გათბობის ქსელების ("თბოქსელის") უბნის უფროსად, მთავარ ინჟინრად, დირექტორად; იყო სამშენებლო-სამონტაჟო ტრესტ "საქსპფლელექტრომშენის" N4 მოძრავ-მექანიზებული კოლონის მთავარი ინჟინერი, დირექტორი; სააქციო საზოგადოება N4 მოძრავ-მექანიზებული კოლონის სამეთვალყურეო საბჭოს თავმჯდომარე; მონაწილეობდა საქართველოს რეგიონებში, მათ შორის, ცხინვალის (გაეროს ეგიდით) და აფხაზეთის საბრძოლო მოქმედების ზონებში ათეულობით კილომეტრი მაღალი ძაბვის ელექტროგადამცემი ხაზების მშენებლობა-აღდგენაში, ცხინვალის გაზის მაგისტრალების მშენებლობაში, "ლაჯანურჰესისა" და სხვა ელექტროსადგურების გაწყობა-გაშვებაში, მაღალი ძაბვის ელექტროგადამცემი ხაზებისა და ელექტროქვესადგურების აღდგენით სამუშაოებში; მიღებული ჰქონდა სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.574