ქეთევან ქუთათელაძე

დაბადების ადგილი: ქ. ხონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1932 წელს.

1933-1945წწ. მუშაობდა კომუნალური მეურნეობის საპროექტო ინსტიტუტ "საქსახპროექტში" ინჟინრის თანამდებობაზე; 1945-1975წწ. იყო საქართველოს პოლიტექნიკური ინსტიტუტის წყალმომარაგებისა და წყალარინების კათედრის ასისტენტი, დოცენტი და პროფესორი; 1974-1977წწ. ხელმძღვანელობდა ამავე კათედრას; მნიშვნელოვანია მისი წვლილი მშენებლობის ამ დარგისთვის ახალგაზრდა სპეციალისტების აღზრდის საქმეში; იყო არაერთი მნიშვნელოვანი სამეცნიერო ნაშრომის, ათამდე მონოგრაფიისა და საქართველოს განათლებისა და უმაღლესი სასწავლებლების სამინისტროს მიერ რეკომენდებული სახელმძღვანელოების ავტორი; დაჯილდოებულია სახელმწიფო ტექნიკურ-სამეცნიერო კომიტეტის საპატიო სიგელებით და სახელმწიფო ჯილდოებით; მინიჭებული ჰქონდა საქართველოს უმაღლესი სკოლის დამსახურებული მუშაკის საპატიო წოდება; ტექნიკურ მეცნიერებათა კანდიდატი 1951 წლიდან, პროფესორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.576