მურაზ ქურდაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1963 წელს.

1963-1964წწ. მუშაობდა თბილისის რკინიგზის პირველი ვაგზლის მშენებლობაზე; 1965-1967წწ. სასტუმრო "ივერიის" კომპლექსის მაღლივი კორპუსის სამშენებლო სამუშაოთა ხელმძღვანელად; 1973-1976წწ. უნივერმაღ "თბილისისა" და ა. გრიბოედოვის სახელობის რუსული დრამატული თეატრის კომპლექსის მშენებლობაზე მთავარ ინჟინრად, სამმართველოს უფროსად; თბილისის ტრიკოტაჟის ფაბრიკის, სახელმწიფო სამედიცინო ინსტიტუტის ადმინისტრაციული და სასწავლო კორპუსების მშენებლობაზე; 1976-1984წწ. საქართველოს სახალხო კონტროლის კომიტეტში; 1984-1990წწ. საქართველოს საყოფაცხოვრებო მომსახურების სამინისტროს სამშენებლო გაერთიანება "სპეცყოფრემმშენის" N1 სამშენებლო-სარემონტო ტრესტის მმართველად; 1990-1992წწ. იყო სამინისტროს ბაზაზე შექმნილი კონცერნ "საქყოფსერვისის" ვიცე-პრეზიდენტი; კურირებდა საქართველოს საყოფაცხოვრებო მომსახურების საუწყებო ობიექრების მშენებლობას; 1992 წლიდან სათავეში ედგა შპს "ტანდემსა" და სააქციო საზოგადოება "პორფირიტს".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.576