ზაურ ღლონტი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტი ინჟინერ-მშენებლის კვალიფიკაციით 1964 წელს.

1964 წელს მუშაობა დაიწყო ქ. აშხაბადის სამშენებლო სამმართველოში მთავარ ინჟინრად; 1966 წელს დაინიშნა "აშხაბადგაზის" მთავარი სამმართველოს უფროსად; პირველად, სწორედ "აშხაბადგაზის" მთავარმა სამმართველომ უზრუნველყო ბუნებრივი აირის მიწოდება თურქმენეთის დედაქალაქისთვის და ამ დამსახურებისთვის ის დაჯილდოებულ იქნა "შრომის წითელი დროშის" ორდენით; 1968 წელს მუშაობას იწყებს საქართველოს კურორტების მართვის სამმართველოში უფროსის მოადგილედ მშენებლობის დარგში; 1991 წლიდან იგი რუსეთის პრეზიდენტის საქმეთა მმართველობაში მუშაობს, როგორც საქართველოს პრეზიდენტის სახელმწიფო უზრუნველყოფის სამსახურის მუდმივი წარმომადგენელი; 1994 წლიდან იყო საქართველოს მინისტრთა საბჭოს საქმეთა მმართველობის საკურორტო სამმართველოს უფროსი; 1995 წლიდან საქართველოს პრეზიდენტის უზრუნველყოფის სამსახურის საკურორტო დაწესებულებათა სამმართველოს უფროსად გადაიყვანეს; 2000 წლიდან სახელმწიფო უზრუნველყოფის სამსახურის შპს "ინტერკურორტის" დირექტორი იყო; პრაქტიკული პროფესიული საქმიანობის პარალელურად ეწეოდა პედაგოგიურ მოღვაწეობას საქართველოს ტექნიკურ უნივერსიტეტში; მიღებული აქვს სახელმწიფო ჯილდოები; 2001 წლიდან საქართველოს ვეტერან ოლიმპიელთა ფონდის გენერალური მდივანია; ტექნიკურ მეცნიერებათა კანდიდატი (1981).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.584

• შრომის წითელი დროშის ორდენი