კონსტანტინე მარდალეიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიურ ფაკულტეტი 1967 წელს.

1967-1970 წლებში მუშაობდა დაღესტნის ავტონომიური რესპუბლიკის დაბა კოჩუბეიში ექიმ - სტომატოლოგად, 1970-1974 წლებში იყო მოსკოვის სტომატოლოგიის ცენტრალური სამეცნიერო კვლევითი ინსტიტუტის ასპირანტი ყბა-სახის ქირურგიის სპეციალობით, 1974-1976 წლებში - თბილისის სახელმწიფო სამედიცინო ინსტიტუტის ქირურგიული სტომატოლოგიის კათედრის ასისტენტი, 1976-1984 წლებში - მოსკოვის მეცნიერებათა აკადემიის საკავშირო ონკოლოგიის სამეცნიერო ცენტრის თავისა და კისრის სიმსივნეების განყოფილების დოქტორანტი (1980-1984). 1984 წლიდან საქართველოს ჯანდაცვის სამინისტროს ონკოლოგიის სამეცნიერო ცენტრის თავისა და კისრის სიმსივნეების განყოფილების ხელმძღვანელი, 1997-2011 წლებში მის მიერ დაარსებული "ქართულ-გერმანული სპეციალიზებული ონკოლოგიური კლინიკის" ხელმძღვანელი, 1999-2000 წლებში სახელმწიფო სამედიცინო აკადემიის ონკოლოგიის კათედრის  პროფესორი. 2000-2006 წლებში სახელმწიფო სამედიცინო აკადემიის ონკოლოგიის კათედრის გამგე, კითხულობდა საგანს: ზოგადი ონკოლოგია; 2006-დან  თბილისის სახელმწიფო სამედიცინო უნივერსიტეტის სტომატოლოგიური ფაკულტეტის თავისა და კისრის ონკოლოგიური დეპარტამენტის ხელმძღვანელი, სრული პროფესორი. კითხულობს საგანს: პირის ღრუს, თავისა და კისრის ავთვისებიანი სიმსივნეების დაავადებათა კლინიკა, დიაგნოსტიკა და მკურნალობა; 2012 - დან დღემდე მრავალპროფილური ონკოლოგიური კლინიკის - "ონკოლოგიის სამეცნიერო კვლევითი ცენტრი"-ს ხელმძღვანელი. 3 წიგნის და 200-ზე მეტი სამეცნიერო პუბლიკაციის ავტორი. მედიცინის მეცნიერებათა დოქტორი, პროფესორი. 

წყარო: საინფორმაციო პორტალი - მრავალპროფილური ონკოლოგიური კლინიკა - "კ. მარდალეიშვილის სამედიცინო ცენტრი" - mmc.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.99

• გრ. მუხაძის სახელობის ქირურგთა სამეცნიერო საზოგადოება, წევრი
• თბილისი სახელმწიფო სამედიცინო უნივერსიტეტის სტომატოლოგიური ფაკულტეტის სადისერტაციო საბჭო, წევრი
• კლინიკურ ონკოლოგთა ასოციაცია, პრეზიდენტი
• ჟურნალ "რეკონსტრუქციული, პლასტიკური და ესთეტიკური ქირურგია" სარედაქციო კოლეგია, წევრი
• ჟურნალ "საქართველოს ონკოლოგია" სარედაქციო კოლეგია, წევრი
• რეკონსტრუქციულ და პლასტიკურ ქირურგთა გამგეობის ასოციაცია, წევრი
• საქართველოს ონკოლოგიის ნაციონალური ცენტრის სამეცნიერო საბჭო, წევრი

• 2018 - თბილისის საპატიო მოქალაქე
• 1998 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1982-1994 წლებში გამოქვეყნებულ შრომათა ციკლისათვის - "რეკონსტრუქციულ - აღდგენითი ოპერაციები ონკოლოგიაში"

• ყბა-სახის ავთვისებიანი სიმსივნეები : სახელმძღვანელო (თანაავტორი). - თბილისი, თსსუ-ის გამ-ბა, 2008. - 247გვ.