მიხეილ ღოღობერიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი მშენებელ-ჰიდროტექნიკოსის კვალიფიკაციით 1963 წელს.

მუშაობდა სხვადასხვა სამშენებლო, საპროექტო და სამეცნიერო-კვლევით ორგანიზაციებში; 1983-1988წწ. იყო საქართველოს პოლიტექნიკური ინსტიტუტის წყალმომარაგებისა და წყალარინების კათედრის გამგე, პროფესორი; დიდი წვლილი აქვს შეტანილი კომუნალური დარგის განვითარებისა და ახალგაზრდა სპეციალისტების აღზრდის საქმეში; აღსანიშნავია მისი დამსახურება ენერგეტიკისა და ეკოლოგიის პრობლემების გადაწყვეტაში; ასევე, მნიშვნელოვანია მისი ღვაწლი რესპუბლიკაში მცირე და საშუალო სიმძლავრის ჰესების მშენებლობის საქმეში; ავტორია ორ ათეულზე მეტი სამეცნიერო ნაშრომის და გამოგონების; არის საქართველოს საინჟინრო აკადემიის, პოლიტექნიკური ინსტიტუტის სამეცნიერო-ტექნიკური საბჭოს წევრი; ტექნიკურ მეცნიერებათა დოქტორი. მნიშვნელოვანი სამეცნიერო გამოკვლევებისთვის 1981 წელს გახდა სსრკ მინისტრთა საბჭოს პრემიის ლაურეატი ტექნიკის დარგში. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.586-587

• წყლის ეკოსისტემები: დაცვა და რაციონალური გამოყენება (ავტორი). - თბილისი, მეცნიერება, 1992. - 360გვ.
• წყალმომარაგება : სახელმძღვ. პოლიტექნ. ინ-ტის წყალმომარაგებისა და კანალიზაციის სპეც. სტუდენტებისათვის (ავტორი) // ნაწ. 2 : წყალმიმღები ნაგებობები. - თბილისი, განათლება, 1987. - 419 გვ.
• ჰიდროელექტროსადგურების მადემფერირებელი სათანაბრებელი რეზერვუარები (ავტორი). - თბილისი, საბჭოთა საქართველო, 1971. - 157გვ.