იგორ ღურჯია

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1973 წელს.

1973 წელს დაიწყო შრომითი საქმიანობა საქართველოს მშენებლობის სამინისტროს ფოთის სამშენებლო ტრესტის N5 სამშენებლო სამმართველოში; გაიარა ყველა პროფესიული სამსახურებრივი საფეხური ოსტატიდან სამშენებლო სამმართველოს უფროსამდე; მონაწილეობდა ფოთის წისქვილქარხნის ელევატორისა და კოშკის (რომელთა მონოლითური რკინაბეტონის სამუშაოების შესრულება მიმდინარეობდა მცოცავი ყალიბის გამოყენებით), მრავალსართულიანი საცხოვრებელი სახლების, საბავშვო ბაღების, სკოლის, სპორტული კომპლექსის, ფოთის 450-ადგილიანი დრამატული თეატრის და სხვა ობიექტების მშენებლობაში; არის შპს "კუნძულის" ერთ-ერთი დამფუძნებელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.588