ვასილ ყავლაშვილი

დაბადების ადგილი: სოფელი ლიხეთი, ამბროლაურის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1939 წელს.

1947-1961წწ. შრომითი საქმიანობა დაიწყო სამშენებლო ტრესტ "ხრამჰესმშენში" სამუშაოთა მწარმოებლად, უბნის უფროსად. მუშაობდა სამშენებლო ტრესტებში "საქჰიდროენერგომშენი" და "ტყიბულმშენი", "გუმათჰესისა" და "თბილსრესის" სამშენებლო სამმართველოების უფროსად; იყო "ენგურჰესისა" და "ხრამჰეს-2-ის" მშენებლობის და სამშენებლო ტრესტ "საქჰიდროენერგომშენის" თბილისის სამშენებლო-სამონტაჟო სამმართველოების უფროსი; 1966-1977წწ. იყო სამშენებლო ტრესტ "საქჰიდროენერგომშენის" სამოქალაქო ბინათმშენებლობის სამმართველოს ჯერ მთავარი ინჟინერი და შემდეგ კი უფროსი; იყო II მსოფლიო ომის მონაწილე, იბრძოდა საბჭოთა არმიის რიგებში; მიღებული აქვს საბრძოლო ჯილდოები.

 წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.589

• ბოგდან ხმელნიცკის III ხარისხის ორდენი
• შრომის წითელი დროშის ორდენი
• სამამულო ომის II ხარისხის ორდენი
• სამამულო ომის I ხარისხის ორდენი
• წითელი ვარსკვლავის ორდენი
• საქართველოს დამსახურებული ინჟინერი