ირაკლი ყანჩელი

დაბადების ადგილი: ქ. თბილისი.

დაამთავრა ამიერკავკასიის ტრანსპორტის ინჟინერთა ინსტიტუტის ავტოსაგზაო-სამშენებლო ფაკულტეტი 1932 წელს.

1932 წელს მუშაობა დაიწყო სპეცგანაწილებით აზერბაიჯანის დედაქალაქ ბაქოში საავტომობილო გზების მშენებლობის მთავარ სამმართველოში უბნის ოსტატად, მთავარ ინჟინრად; 1936-1939წწ. მუშაობს ზემო სვანეთის უბანზე სამუშაოთა მწარმოებლად; შემდგომ ყვარელში, რაჭაში, ხევსურეთში ცალკეულ უბნებზე და ა.შ.; მისი ხელმძღვანელობით პირველად ჩატარდა ამიერკავკასიის საავტომობილო გზების ინვენტარიზაცია და შემუშავდა საავტომობილო გზების განვითარების ეტაპობრივი გეგმები კატეგორიების მიხედვით; ამიტომაც ითვლება ქართველ მეგზევეთა პირველი თაობის წარმომადგენლად; 1939-1941წწ. ხელმძღვანელობდა საქართველოს გზატკეცილების მთავარი სამმართველოს N742; 1941-1945წწ. შპს სპეცსამშენებლო N142 უბნებს; საქართველოს საავტომობილო გზების სამინისტროს გორის N28 საექსპლუატაციო უბანს, "მანგლისი-წალკის" უბანს; მის სახელთან არის დაკავშირებული "ვაზიანი-უჯარმა-თიანეთის", "საჩხერე-ზესტაფონის", "თეთრიწყარო-ხრამჰესის" დამაკავშირებელი გზების და სხვა ობიექტების მშენებლობა; იყო მეორე მსოფლიო ომის მონაწილე; საბრძოლო და სამოქალაქო ჯილდოების მფლობელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.592

• საქართველოს დამსახურებული მშენებელი