ოთარ ყანჩელი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1955 წელს.

1955 წელს შრომითი საქმიანობა დაიწყო ლაბორანტად ინსტიტუტის მასალათა გამძლეობის ლაბორატორიაში; 1957 წლიდან იყო ამავე ინსტიტუტსა და ქ. თბილისის სხვადასხვა დაწესებულებებში საპასუხისმგებლო კომკავშირულ და პარტიულ თანამდებობებზე; 1964-1991წწ. მუშაობდა ქ. თბილისისა და ქ. ცხინვალის სამშენებლო ორგანიზაციებში; განსაკუთრებით ნაყოფიერი იყო მისი საქმიანობა საქართველოს მშენებლობის სამინისტროს ქართლის რეგიონის წამყვან სამშენებლო ორგანიზაციებში, ასევე, ტრესტ "ორგტექმშენისა" და საწარმოო-სამშენებლო-სამონტაჟო გაერთიანება "თბილქალაქმშენის" მთავარი ინჟინრის თანამდებობაზე ყოფნის დროს; მისი ხელმძღვანელობითა და მონაწილეობით, თბილისსა და ქართლის რაიონებში აშენდა საცხოვრებელი სახლები, სკოლები, საბავშვო ბაღები, საზოგადოებრივი დანიშნულებისა და სამრეწველო ობიექტები, ხელოვნური ნაგებობები, საქართველოს საავტომობილო გზების სამინისტროს ადმინისტრაციული შენობა (თბილისში, გაგარინის ქუჩაზე); პირველად საქართველოში, საცხოვრებელი და საზოგადოებრივი დანიშნულების მაღლივი შენობებისთვის ანაკრები რკინაბეტონის, უნიფიცირებული, სეისმომედეგი კარკასულ-პანელოვანი ნაკეთობების სერიის დამუშავების, ათვისებისა და დანერგვის პროცესებში მონაწილეობისათვის 1980 და 1988 წლებში სსრკ მინისტრთა საბჭოს პრემიები მიენიჭა; არის 3 გამოგონების ავტორი. მიღებული აქვს სსრკ მინისტრთა საბჭოს პრემია (1980, 1988), საქართველოს უმაღლესი საბჭოს პრეზიდიუმის საპატიო სიგელი, საქართველოს მეცნიერებისა და ტექნიკის სახელმწიფო კომიტეტის პრემია შედუღებისთვის მცირეგაბარიტიანი წყაროს შემუშავებისა და დანერგვისთვის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.592-593; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.41

• 2001 - ღირსების ორდენი