კოკი შანიძე

დაბადებს ადგილი: სოფელი ქვაყუდა, ჩოხატაურის რაიონი.

დაამთავრა ორწლიანი საოპერატორო კურსები 1936 წელს.

1933 წლიდან მუშაობდა საქართველოს "სახკინმრეწვში" რეჟისორის თანაშემწედ. II მსოფლიო ომის დროს აწვდიდა სიუჟეტებს კინოჟურნალებისთვის. მერე ოპერატორად იმუშავა მხატვრულ ფილმზე  "დავით გურამიშვილი" (ნ. სანიშვილი, ი. თუმანიშვილი, 1946). გადაიღო ანიმაციური ფილმები: "ნიკო და ნიკორა" (ა. ხინთიბიძე, 1954), "ჩხიკვთა ქორწილი" (ს. სპარსიაშვილთან ერთად/ა. ხინთიბიძე, 1957), "ხელმარჯვე ოსტატი" (ვ. ბახტაძე, 1957), "უქნარა" (ა. ხუსკივაძე, 1958). 1959-1973წწ. ქდსპფ სტუდიის ოპერატორია, გადაიღო სხვადასხვა ჟანრის ფილმები, მათ შორის: "საპოვნელა" (ო. იოსელიანი, 1959), "იაკობ გოგებაშვილი" (ა. მამულაშვილი, 1960), "ფეხბურთის ოლიმპზე" (თ. ნოზაძე, 1964), "შვილიკა" (ზ. კაკაბაძე, 1965), "ვასილ ამაშუკელი" (ა. მამულაშვილი, 1971) და სხვ. კინოოპერატორი.

წყარო: ქართული კინო, 1896-2011.- თბ., 2011.- გვ. 189; ეროვნული ფილმოგრაფიის პორტალი: geocinema.ge

• 1960 - საქართველოს კულტურის დამსახურებული მუშაკი