ზაქარია შავაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1971 წელს.

1971 წლიდან მუშაობა დაიწყო სსი "თბილქალაქპროექტში" ქალაქის დაგეგმარების სახელოსნოში ტექნიკოსის, არქიტექტორის, ჯგუფის ხელმძღვანელის თანამდებობაზე; 1972 წლიდან მუშაობდა სსი "კურორტპროექტის" საქართველოს ფილიალში ჯგუფის ხელმძღვანელად; 1975-1978წწ. იყო სსი "საქქალაქმშენსახპროექტში" ჯგუფის ხელმძღვანელი; 1978 წლიდან მუშაობდა ძეგლთა დაცვის მთავარი სამმართველოს ადაპტაციის განყოფილების ხელმძღვანელად; 1978-2012წწ. იყო სსი "თბილქალაქპროექტის" პროექტის მთავარი არქიტექტორი, სახელოსნოს ხელმძღვანელი; 1997 წლიდან ეწევა პედაგოგიურ მოღვაწეობას სტუ-ს არქიტექტურის ფაკულტეტზე; მის მიერ ძირითადი ნამუშევრებია: სანატორიუმი "კოლხეთი" კურორტ მენჯში 500 ადგილზე; მრავალბინიანი საცხოვრებელი და მრავალფუნქციური სახლები თბილისში; სავაჭრო დანიშნულების ობიექტი თბილისში; 270-ბინიანი საცხოვრებელი კომპლექსი თბილისში; 64-ბინიანი საცხოვრებელი სახლი ვაზისუბნის დასახლებაში; 200 მოსწავლეზე საჯარო სკოლები სოფელ ნოქალაქევში და სოფელ ხაჟალიაში; საქალაქო სასამართლოს შენობის რეკონსტრუქცია; საცხოვრებელი კომპლექსი სამტრედიის ქუჩაზე და სხვა; მის მიერ დაპროექტებულია სხვადასხვა ფუნქციონალური დანიშნულების ობიექტები. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.600-601

• საქართველოს არქიტექტორთა კავშირი, გამგეობის წევრი (2008-2012)
• საქართველოს არქიტექტორთა კავშირი, წევრი (1978-)