ლიდია ნატროშვილი

დაამთავრა  თბილისის ქალთა პირველი გიმნაზია.

გიმნაზიის დამთავრების შემდეგ  მიენიჭა მასწავლებლის ხარისხი. 1898 წელს სწავლა განაგრძო პეტერბურგის ქალთა უმაღლეს სასწავლებლის საისტორიო-ლიტერატურულ ფაკულტეტზე. 1903 წელს დაამთავრა სასწავლებელი და დაბრუნდა თბილისში. 1905-1906 წლებში ლიდია ნატროშვილი პედაგოგიურ მოღვაწეობას ეწეოდა ჯერ ქ. განჯის ქალთა გიმნაზიაში, შემდეგ ქ. ალექსანდროპოლში (გიუმრი, სომხეთი). 1910 წელს  თბილისში დაბრუნდა. 1924 წლიდან მოღვაწეობდა სოფ. ბოდბეში, ახლად დაარსებულ პედაგოგიურ ტექნიკუმში. გარდა პედაგოგიური მოღვაწეობისა, ლიდია ნატროშვილი მთარგმნელობით საქმიანობასაც ეწეოდა. მან რუსულად თარგმნა აკაკი წერეთლის მოთხრობები "ბაში-აჩუკი", "ჩემი თავგადასავალი"; ვაჟა-ფშაველას, ვასილ ბარნოვის, ეკატერინე გაბაშვილის მოთხრობები. ანტონ ნატროშვილის ქალიშვილი.

წყარო: ლიტერატურის მატიანე/ალიბეგაშვილი დ.. -თბ., 1986. - გვ. 185