მამუკა კუდავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1993 წელს; ქართულ-ამერიკული სახელმწიფო მოხელეთა ინსტიტუტი 1995 წელს; ბრიუსელის ფრანკოფონული უნივერსიტეტი 2001 წელს; ადმინისტრაციის ნაციონალური სკოლა (საფრანგეთი) 2005 წელს; თბილისის სახელმწიფო უნივერსიტეტის საერთაშორისო ეკონომიკის სკოლა 2018 წელს.

1995-1998წწ. იყო საქართველოს საგარეო საქმეთა სამინისტროს საერთაშორისო ორგანიზაციების დეპარტამენტისა და სამხედრო-პოლიტიკის დეპარტამენტის მესამე მდივანი, სამმართველოს უფროსი, დეპარტამენტის დირექტორის მოადგილე; 1997-1998წწ. მონტერეის საერთაშორისო სწავლებათა ინსტიტუტის მიწვეული მკვლევარი (აშშ, კალიფორნია); 1997 წლიდან ნატოს დემოკრატიული ინსტიტუტის სტიპენდიატი; 1998-2000წწ. ბენელუქსის ქვეყნებში საქართველოს საელჩოს მრჩეველი და უფროსი მრჩეველი; 2000-2002წწ. ნატოში საქართველოს მისიის ხელმძღვანელის მოადგილე, ხელმძღვანელის მოვალეობის შემსრულებელი; 2002-2004წწ. საგარეო საქმეთა სამინისტროს აშშ, კანადისა და ლათინური ამერიკის დეპარტამენტის დირექტორი; 2005-2007წწ. თავდაცვის მინისტრის პირველი მოადგილე; 2013-2016წწ. საქართველოს ეკონომიკურ-პოლიტიკური საგამოძიებო ცენტრის დირექტორის მოადგილე; 2013-2017წწ. საქართველოს თავისუფალი უნივერსიტეტის პროფესორის ასისტენტი; 2016-2017წწ. საქართველოს პოლიტიკური და მენეჯმენტის საკონსულტაციო ჯგუფის უმცროსი მრჩეველი; 2013 წლიდან – BLC law ოფისის მრჩეველი; 2014 წლიდან  ილიას სახელმწიფო უნივერსიტეტის ლექტორი, ფილოსოფიის მკვლევარი; 2018 წლიდან GOFORIT სისტემის მრჩეველი; 2018 წლიდან კოლუმბიის უნივერსიტეტის ფილოსოფიური თეზისის მკვლევარი; 2007-2012წწ. საქართველოს საგანგებო და სრულუფლებიანი ელჩი საფრანგეთის რესპუბლიკაში და მონაკოს სამთავროში, საქართველოს მუდმივი წარმომადგენელი იუნესკოში; 2000 წლიდან საგანგებო და სრულუფლებიანი დესპანი; 2001 წელს მიღებული აქვს ნატოს გენერალური მდივნის ლორდ რობერტსონის მადლიერების წერილი. მინიჭებული აქვს საგანგებო და სრულუფლებიანი ელჩის დიპლომატიური რანგი. გამოქვეყნებული აქვს ათამდე სამეცნიერო ნაშრომი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.276; საქართველოს საზოგადებრივ საქმეთა ინსტიტუტი: newold.gipa.ge; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.103

• ბრიუსელის ახალგაზრდა დიპლომატთა ასოციაცია, წევრი (1999-2002)
• საქართველოს ჰარვარდის კლუბი , წევრი (2003-)
• უილტონ პარკის საერთაშორისო ასოციაცია, წევრი (2003-)

• ბრწყინვალების საპრეზიდენტო ორდენი