შოთა შათირიშვილი

დაბადების ადგილი: შუა სურები, ჩოხატაურის რაიონი.

მონაწილეობდა II მსოფლიო ომში 1941 წლიდან. 1946 წელს, დემობილიზების შემდეგ სწავლობდა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტზე.

შოთა შათირიშვილი ცნობილი ქართველი ენათმეცნიერის გიორგი ახვლედიანის მოწაფე იყო. უნივერსიტეტის დასრულების შემდეგ სწავლა განაგრძო ასპირანტურაში. 1960 წელს გახდა იაკობ გოგებაშვილის სახელობის პედაგოგიური ინსტიტუტის უცხოური ენების სექტორის გამგე.  გამოქვეყნებული აქვს 160 სამეცნიერო შრომა, 10 ფუნდამენტური მონოგრაფია, მათ შორის "გერმანული ენის სწავლების მეთოდიკა", "გერმანული ფონეტიკის სწავლების მეთოდიკა",  საშუალო სკოლის გერმანული ენისა და გრამატიკის სახელმძღანელოები. 1955 წელს დაიცვა საკანდიდატო დისერტაცია. 1974 წელს დაიცვა სადოქტორო დისერტაცია, მიიღო პროფესორის წოდება. პედაგოგიკის მეცნიერებათა დოქტორი (1974), პროფესორი. 

წყარო:  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 116-117

• წითელი ვარსკვლავის ორდენი
• სამამულო ომის II სარისხის ორდენი

• სასწავლო-შემეცნებითი აქტივობის განვითარება უცხოური ენის სწავლებისას (ავტორი). - თბილისი, თბილ. უნ-ტის გამ-ბა, 1990. - 71გვ.
• უცხოური ენის კომუნიკაციური გაკვეთილი : სტუქტურა, შინაარსი, მეთოდები, დაგეგმვა და მომზადება (ავტორი). - თბილისი, 1989. - 75გვ.
• გერმანული ენის ფონეტიკის სწავლების მეთოდიკა (ავტორი). - თბილისი, განათლება, 1968. - 68გვ.
• გერმანული ენის გრამატიკა : V-X კლასებისათივს (ავტორი). - თბილისი, ცოდნა, 1964. - 198გვ.