გიორგი შანიძე

დაბადების ადგილი: სოფელი ბეღლევი, ზესტაფონის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1934 წელს.

1934-1936წწ. მუშაობდა სამთო მომპოვებელ ტრესტ "ჭიათურმანგანუმში" კაპიტალური მშენებლობის განყოფილების ინჟინრად, საპროექტო განყოფილების უფროს ინჟინრად; 1938-1957წწ. იმავე ტრესტის კაპიტალური მშენებლობის განყოფილების მთავარ ინჟინრად, ტრესტის მმართველის მოადგილედ კაპმშენებლობის დარგში; 1959 წლიდან მუშაობდა საქართველოს მშენებლობის სამინისტროს N8 სამშენებლო ტრესტ "ჭიათურმანგანუმმშენში" მთავარ ინჟინრად, მმართველად; აქტიურად მინაწილეობდა ქ. ჭიათურის განაშენიანებასა და სამთამადნო წარმოების განვითარებას, მრავალი რთული ნაგებობის, სოციალურ-კულტურული დანიშნულების ობიექტის, საცხოვრებელი სახლების მშენებლობას; მიღებული აქვს სახელმწიფო ჯილდოები და სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.605-606

• საპატიო ნიშნის ორდენი
• შრომის წითელი დროშის ორდენი