გივი შანიძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1952 წელს.

1952-1959წწ. მუშაობდა საპროექტო ინსტიტუტ "თბილქალაქპროექტში" ინჟინერ-კონსტრუქტორად; საქართველოს კომპარტიის თბილისის საქალაქო კომიტეტის ინსტრუქტორად, მშენებლობისა და საქალაქო მეურნეობის განყოფილების გამგედ; იყო სახელმწიფო საპროექტო ინსტიტუტ "საქსახპროექტის" დირექტორი, საქართველოს სსრ მინისტრთა საბჭოს საქმეთა მმართველობის კაპიტალური მშენებლობის განყოფილების გამგე, საქართველოს კომპარტიის ცენტრალური კომიტეტის მშენებლობისა და საქალაქო მეურნეობის განყოფილების გამგის მოადგილე; 1982 წელს დაინიშნა საქართველოს სახელმწიფო საგეგმო კომიტეტის თავმჯდომარის პირველ მოადგილედ; მონაწილეობდა სასტუმრო "აჭარის", სპორტის სასახლისა და თბილისის სხვა მნიშვნელოვანი სამრეწველო და სამოქალაქო დანიშნულების ობიექტების პროექტირება-მშენებლობაში; მნიშვნელოვანი წვლილი აქვს შეტანილი საქართველოს სამშენებლო ინდუსტრიისა და საშენი მასალების წარმოების დარგების განვითარებაში. მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.606

• აჭარის ავტონომიური რესპუბლიკის უმაღლესი საბჭო, დაპუტატი (1985-1990)

• საპატიო ნიშნის ორდენი
• შრომის წითელი დროშის ორდენი
• ღირსების ორდენი
• მედალი "შრომითი წარჩინებისთვის"
• საქართველოს დამსახურებული მშენებელი